Чечений удирдагч Рамзан Кадыровын биеийн байдал тун тааруу байгаа,  нас  барсан гэх мэт мэдээллүүд өнгөрөгч амралтын өдрүүдээр цацагдсан. Тэгвэл Кадыров өчигдөр /2023.09.17/ өөрийн телеграм хуудаснаа хоёр бичлэгийг байршуулжээ. Эхний бичлэгтээ бороон дунд цувтай алхаж буй тэрбээр инээмсэглэсэн ч царай нь бага зэрэг хавдсан харагдана. Харин удаах бичлэгтээ чечень, орос хэлээр ярьж, спортоор хичээллэхийг уриалжээ.