Скандинавын бүс нутаг орчим агаарын хэм хоёр дахь өдрөө үргэлжлэн - 40 хэмд хүрч, Шведийн Лапланд хотод сүүлийн 25 жилд байгаагүй хүйтэн нэгдүгээр сард бүртгэгдсэн талаар Шведийн “TT” мэдээллийн агентлаг мэдээллээ.
Копенгаген, Дани-Европ зэрэг бүс нутгуудад өнгөрсөн лхагва гарагт цаг агаарын эрс тэс уур амьсгалын үзэгдэл болж, хэт хүйтний давлагаатай зэрэгцсэн цасан шуурга Скандинавын тээврийг саатуулж, сургуулиудыг хаахад хүргэсэн бол баруун Европт хүчтэй салхи, аадар борооны улмаас үер бууж, нэг хүн амиа алджээ.
Нордикийн бүс нутагт мөн л энэ үеүдэд агаарын хэм -40 хэмд хүрч хүйтэрч, нийт бүс нутгийн хэмжээнд тээврийн хэрэгслүүд хөдөлгөөнд оролцох боломжгүй болж, нисэх онгоцны үйлчилгээ болон олон тооны сургууль хаагдсан байна.
Сибирь болон Арктикийн бүс нутгаас орж ирсэн хүйтэн агаарын давлагаа мөн Оросын баруун хэсгийг бүрхэж, Москва болон бусад бүс нутагт агаарын хэм цельсийн -36 хэмд хүрч, нэгдүгээр сарын эхэн үеийн дундаж температураас -6 хэмээр нэмэгджээ.
Москва, Санкт-Петербург болон бусад бүс нутгийн албаны хүмүүс цаг агаарын улбар шар өнгийн сэрэмжлүүлэг өгч, оршин суугчдыг эрүүл мэндэд учирч болзошгүй эрсдэлээс сэрэмжлүүлсэн байна.
Баруун Европын зарим хэсэгт шуурга болж, өмнө зүгт нойтон цас, бороо холилдон орсон бөгөөд Англи улсын хурдны замд зорчиж явсан тээврийн хэрэгсэл дээр мод унаснаас нэг иргэн амь насаа алджээ.
Их Британи, Ирланд, Нидерландын цаг агаарын албанаас "Хенк" нэртэй хар салхины улмаас Их Британи даяар цахилгаан тасарч, тээврийн хэрэгсэл зорчих хэсэгт хүндрэлтэй нөхцөл үүсч, их хэмжээний эд хөрөнгийн хохирол учирсан байна.
Өнгөрөгч лхагва гарагт Англи, Уэльс хотуудад үерийн 300 гаруй сэрэмжлүүлэг идэвхжиж, 10.000 өрх айл тог цахилгаангүй хэвээр байна.
Их Британийн төмөр замын сүлжээ үерийн гамшигт нэрвэгдэж, цахилгаан тасарч оператор хооронд холбоонд орох боломжгүй болжээ.
Англи улсын өмнөд хэсгийн эргээс холгүй орших Уайт арал дээр хамгийн хүчтэй хар салхины эрсдэл бүртгэгдсэн бөгөөд салхины хурд цагт 151 км хүрсэн байна.
Францын үндэсний цаг уурын албанаас өнгөрөгч пүрэв гарагт Францын хойд бүс нутгаар болон Бельги, Люксембург, Герман улсуудтай хиллэдэг хэд, хэдэн бүс нутагт үер, хар салхины аюулаас сэрэмжлүүлж, дахин бороо орж, салхи 100 км / цагийн хурдтай ширүүсэх төлөвтэй байгааг мэдээллээ.
