БЗД-ийн 26 дугаар хороо Дүнжингаравын уулзварт 60 тн газ тээвэрлэж явсан автомашин зам тээврийн ослын улмаас дэлбэрч, шатаж байна гэсэн дуудлага нэгдүгээр сарын 24-ний өдрийн 01:07 цагт НОБГ-т цагт ирсэн байна. 

Их хэмжээний дэлбэрэлт үүссэний улмаас ойр орчмын барилга байгууламж, автомашин шатсан.

Дуудлагын дагуу Гал түймэр унтраах, аврах 10, 14, 18, 26, 35, 63 дугаар анги болон Аврах ангийн алба хаагчид үүрэг гүйцэтгэсэн. 

Гал түймрийн тархалтыг 02:15 цагт зогсоож, 04:30 цагт бүрэн унтраажээ. 

Үүссэн нөхцөл байдалтай холбогдуулан Дүнжингарав худалдааны төвийн баруун уулзвараас зүүн чиглэл, Е-Мартын худалдааны төв чиглэл, Баянмонгол хороолол чиглэл, Нарантуул худалдааны төв баруун урд уулзвар хүрэх чиглэлд замуудыг 200-500 орчим метрийн зайд хязгаарлалт хийж түр хугацаагаар хаасан байна.

Тухайн орчимд галыг унтраах, өртөж хохирсон оршин суугч иргэдэд тусламж үзүүлэх ажиллагааг УОК, ДОК, Эрүүл мэнд, Онцгой байдал, Цагдаагийн байгууллагаас явуулж байна.