Удирдах ажилтны шуурхай зөвлөгөөний дараа дүүргийн Онцгой комисс үргэлжлэн хуралдсан.

Энэ удаагийн хурлаар цас, мөс халиа тошингийн үеэр авч хэрэгжүүлж буй үйл ажиллагаа, өнөөгийн нөхцөл байдал цаашид авч хэрэгжүүлэх арга хэмжээнийг мэдээллийг Засаг даргын Тамгын газрын Тохижилт, нийтийн аж ахуйн хэлтсийн дарга Т.Эдмон танилцуулсан юм.

Энэ өвөл цаг агаарын темпратур харьцангуй дулаан байгаа тул одоогийн байдлаар дүүргийн зарим хэсэг тодруулбал 18, 19, 20-р хорооны дөрвөн байршилд хөрсний ус ихээр гарч гудамж талбай, автозам, айл өрхийн хашаанд халиа тошин үүсч халтиргаа гулгаа үүсэж байна.

Тиймээс дүүргийн Засаг дарга бөгөөд Онцгой комиссын дарга М.Алтангэрэл тухайн орчны айл, өрхийн аюулгүй байдлыг сайтар хангах, шаардлагатай техник хэрэгсэл, хүн хүчээ оновчтой хуваарилан ажиллахыг хариуцсан хэлтэс, нэгжүүдэд даалгав гэж Сүхбаатар дүүргийн ЗДТГ-аас мэдээллээ.