Сөрөг хүчин 6 намаас БНСУ-ын Ерөнхийлөгч Юн Сог Ёлийг огцруулах санал дэвшүүлээд байна.

Хэрэв энэ санал Ассамблейд 200 гишүүний санал авч дэмжигдвэл Үндсэн хуулийн цэцэд очно. Цэц хуралдаж эцсийн шийдвэрийг гаргана.

Харин 72 цагийн дотор 200 гишүүний санал бүрдээгүй тохиолдолд огцрохгүй.

Одоогоор сөрөг хүчин нийт 192 гишүүн болоод байгаа юм. Хэрвээ Ерөнхийлөгчийн өөрийнх нь намын 8 гишүүн санал өгвөл байдал эвгүй эргэнэ. 

Гэсэн ч Ард түмний хүч намынхан Ерөнхийлөгчийгөө огцруулахгүй гэдэг байр сууринд нэгдсэн гэсэн мэдээлэл байна. 

Ерөнхийлөгчийн гаргасан төсөл, хуулийн тогтоолыг парламентад сөрөг хүчнийхэн унагасаар ирсэн.

Үндсэндээ Ерөнхийлөгчийн засаглалтай гэх ч парламентад сөрөг хүчин олонх болсон учир олон эсэргүүцэлтэй тулж байгаа аж. 

Сүүлд л гэхэд парламентад төсөв батлахгүй удаах, царцаах байдалд оруулсан. Түүний хэрэгжүүлсэн арга энэ удаа буруутаж сөрөг хүчинд боломж өгсөн гэж мэргэжилтнүүд үзэж байна.