Австралийн Эрчим хүчний сайд Крис Боуэн 2035 оны зорилтод хүрэхэд урт хугацаа шаардлагатай байна гэж мэдэгдлээ.
Түүнчлэн АНУ-ын Ерөнхийлөгчийн сонгуульд Дональд Трамп ялалт байгуулсан нь уур амьсгалын өөрчлөлтийн талаарх дэлхийн хандлагад тодорхойгүй байдлыг бий болгож байна гэж хэлсэн байна.
Тус улсын эрх баригчид 2030 он гэхэд нүүрстөрөгчийн ялгарлыг 2005 оны түвшнээс 43 хувиар бууруулах амлалт өгч, улсдаа анх удаа утааг бууруулах зорилтыг хуульчилсан юм. Харин Парисын хэлэлцээрийн дагуу Австрали ирэх оны эхээр 2035 оны зорилтоо батлах шаардлагатай аж.
Гэвч нүүрсхүчлийн хийн ялгарлыг хэр хэмжээгээр бууруулах талаар зөвлөмж болон зорилтыг тодорхойлоход илүү их хугацаа шаардагдах төлөвтэй байна хэмээн тус улсын Уур амьсгалын өөрчлөлтийн газрын дарга Мэтт Киан мэдэгдээд буй юм.
