Өчигдөр "Муан" нисэх онгоцны буудалд “Jeju Air”-ийн 175 зорчигчтой онгоц газардах үедээ осолдсон. Онгоцонд нислэгийн багийн 6, зорчигч 175 нийт 181 хүн байжээ. Тэдний 179 нь нас барсан байна. 

Онгоцонд байсан 181 хүнээс 2 нь Тайланд улсын иргэн, бусад нь Солонгос улсын иргэд байжээ. Энэ онгоцонд 15 хүүхэд зорчиж байсан аж. 

Амьд гарсан 2 хүн онгоцны үйлчлэгч байсан бөгөөд онгоцны сүүл хэсэгт сууж иргэдэд үйлчилдэг байсан байна.

Энэхүү осол нь Солонгосын агаарын хөлгийн онгоцны 3 дахь том осол болж байна. 1983 онд "Korean Air"-ийн осол болсон бөгөөд 269 хүн нас барсан. Улмаар 1997 онд Гуам аралд болсон "Korean Air"-ийн ослоор 225 хүн амиа алджээ. 

Ерөнхийлөгчийн үүрэг гүйцэтгэгч, Шадар сайд бөгөөд Стратеги, Сангийн сайд Чой Санг Мок Муан хотод болсон онгоцны осолд амиа алдсан хүмүүст эмгэнэл илэрхийлэн 1-р сарын 4-ний 24:00 цаг хүртэл 7 хоногийн турш үндэсний гашуудлын өдөр болголоо.

Ослын шалтгааныг тогтоохоор шинжээчид ажиллаж байна.