Гүүд Нэйборс ОУТББ-ын Монгол дахь төлөөлөгчийн газраас санаачлан Хан-Уул дүүргийн 4, 5, 6-р хороодын ӨЭМТ-ийн дархлаажуулалтын 3 өрөөг 35,000,000 төгрөгийн санхүүжилтээр бүрэн тохижуулан хүлээлгэж өглөө. Тус байгууллага нь Эрүүл Мэндийг дэмжих хөтөлбөрийнхөө хүрээнд орон нутгийн иргэд, хүүхэд залуучуудад үзүүлэх эрүүл мэндийн анхан шатны  тусламж үйлчилгээний чанар, аюулгүй байдлыг сайжруулах, тэгш, хүртээмжтэй байдлыг нэмэгдүүлэх зорилгоор энэхүү ажлыг хийж гүйцэтгэжээ. Ингэснээр тус гурван хорооны 0-3 насны хүүхдэд стандартад нийцсэн, тав тухтай өрөөнд товлолт болон шаардлагатай вакцинд хамрагдаж, урьдчилан сэргийлж болох өвчний аюулаас айлтгүй эрүүл саруул өсөж торних боломжтой болж байгаа юм.