Хяргас нуураас жилд 60-70 тн загас барьж, хоол үйлдвэрлэлийн салбарт эдийн засгийн эргэлтэд оруулах боломжтой. Увс аймагт Японы "Жайка" олон улсын байгууллагын дэмжлэгтэй загас боловсруулах төсөл хэрэгжиж байна.

Төслийн хүрээнд байгалийн баялгийг эдийн засгийн эргэлтэд оруулж, сум, орон нутгийн төсвийг бүрдүүлэх, мөн иргэд загасан бүтээгдэхүүнээс шаардлагатай амин дэмээ авах боломж бүрдэж байна гэж Увс аймгийн Засаг дарга Ч.Чимэд онцоллоо.