Сингапур улс ирэх гурван жилийн хугацаанд хотжилт, ногоон байгууламж, ногоон орчин хүн ардын сэтгэцийн эрүүл мэндэд хэрхэн нөлөөлдөг тухай судалгааны ажилд 1 сая сингапур долларын хөрөнгө оруулахаар болжээ.

Энэ судалгааны үр дүнгээс хамаарч иргэдэд ээлтэй, амьдрахад таатай хотыг төлөвлөнө гэж Засгийн газар нь мэдээллээ. 

Сингапурын Шадар сайд "Судалгааны хүрээнд хот төлөвлөлт, байгууламжууд, хүн амын нягтшил, хүний зан төлөв, сэтгэцийн эрүүл мэндийн уялдаа холбоог тогтооно" гэсэн байна.

Судалгааг Сингапурын хот дахин төлөвлөлтийн газар, барилга хөгжлийн албаны мэргэжилтнүүд хийж гүйцэтгэх юм байна.