Хүнээс хүнд халдварладаг метапневмовирус нь богино хугацаанд уушгины хатгалгаа болж хүндэрдэг, 0-5 насныхан болон ахмадууд халдвар авсан тохиолдолд амархан хүндэрч улмаар ларингит болох эрсдэл өндөр байдаг байна.
Энэ вирусын эсрэг дархлаа тогтоох үйлчилгээтэй вакцин, эм байхгүй тул эмч нар дархлаагаа дэмжиж, чанартай хоол хүнс хэрэглэх, сайн унтаж амрах, олны хөлийн газар амны хаалт зүүж явах, ахуйн ариун цэврээ сахихыг зөвлөж байна.
Хятадын уламжлалт сар шинийн баяр халдварын оргил үетэй таарах эрсдэлтэй байгаа аж.
Азийн улс орнууд тухайлбал, Хятадын хойд бүс нутгаар дэгдээд буй өвчний давлагаанаас сэргийлэх арга хэмжээг хил залгаа орнууд нь хэдийнэ авч эхлээд байна.
Тухайлбал, Тайвань, Тайланд, Балба, Энэтхэгт тандалтаа эрчимжүүлжээ.
Метапневмовирусээр үүсгэгдсэн уушгины хатгалгааны халдварын улмаас Хятадын хүүхдийн эмнэлгийн тасгууд сүүлийн хэдэн долоо хоногт ачаалал ихтэй байна.
Өмнөд Солонгост арваннэгдүгээр сарын дундаас Хятадад тархаад байгаатай ижил шинж тэмдэг бүхий тохиолдол 31 хувиар өссөн байна.
Вьетнамд мөн халдварын тохиолдол нэмэгдэж, эмнэлгүүд ачаалал ихтэй байна.
