Дэлхийн хамгийн том, хамгийн эртний А23а мөсөн уул Антарктидаас салж Британийн мэдлийн зэрлэг онгон байгалиараа алдартай Өмнөд Георгийн арлын чигт хөвж эхэлжээ.
Мөсөн уул хайргадаж хагарвал өмнө нь энэ мэт мөсөн уулууд мөргөхөд тохиолдож байсны адилаар сая, сая оцон шувуу, далайн хавын амьдрах орчин үгүй болох аюул нүүрлэж байна.
Тиймээс дэлхийн эрдэмтэд, далайчид А23а мөсөн уулын хөдөлгөөнийг хиймэл дагуулаас тасралтгүй ажигласаар байна.
Сансраас харагдаж байгаачлан энэ мөсөн уул бага, багаар хорогдож байгаа тул хэзээ ч том хэсгүүд болон хагарч болзошгүй юм байна.
А23а мөсөн уул өнөөгийн уур амьсгалын өөрчлөлтөөс өмнө салан хөвж эхэлсэн боловч гадаад далайн усны дулаан, агаарын температур өсөхийн хэрээр илүү олон том мөс тасарч Антарктидын тогтворгүй байдал улам ихсэх дохио болж байгааг эрдэмтэд анхааруулсан байна.
