Япон улс жуулчдын хөлд дарагдах болсонтой зэрэгцээд тэдний аюулгүй байдалд анхаарал хандуулах зайлшгүй шаардлага тулгарчээ.
Галт тэрэг ирж явааг анзааралгүй зураг авахуулахаар төмөр зам руу гарсан хятад эмэгтэй дайруулж амиа алдсан хэргээс үүдэн дээрх арга хэмжээг авч эхэлжээ.
Байгалийн үзэмж бүрдсэн боомтын жижиг хот Отаруд селфи зураг авч байгаа жуулчдыг аюулаас сэрэмжлүүлэх ажилтнууд гаргажээ.
Японы “Хайрын захиа” болон өөр хэд хэдэн кинонд гардаг эндэхийн Фунамизака гудамжинд жуулчид олноор цугларч зураг авахуулах үед аюулгүй байдлыг сахиулах нь тэдгээр ажилтны гол үүрэг юм байна.
Мөн жуулчид зураг авахуулах гэж зам талбайг хааж таглан хөдөлгөөнд саад учруулахаас гадна хувийн эзэмшилд нэвтрэх зэргээр дураар авирладаг гэсэн нутгийн иргэдийн гомдол ихээхэн нэмэгджээ.
